I nettbanken kan du inngå avtale om automatisk mottak av elektroniske rekningar. Etter at denne avtalen er oppretta, vil du automatisk få alle rekningar elektronisk frå betalingsmottakarar som tilbyr dette. Avtalen vil gjelde mottak av fakturaer sendt som eFaktura eller Vipps Regninger.

Du inngår slik avtale ved å velje «Opprette AvtaleGiro / eFaktura» i hovudmenyen, og deretter velje «Les meir og opprett avtale» i boksen til høgre – sjå nedanfor.

Du kan reservere deg mot å motta eFaktura frå enkelttilbydarar sjølv om du har inngått avtale om å motta rekningar automatisk. Slike reservasjonar vil berre gjelde for eFaktura. Reservasjonar vil ikkje gjelde for betalingsmottakarar som sender faktura via Vipps Regninger.

Med eFaktura får du rekningane ferdig utfyllt i nettbanken / mobilbanken din. Du treng berre å velje kva konto du vil betale rekninga frå, og godkjenne den.

Slik opprettar du eFaktura

• Den enklaste måten å opprette eFaktura på er å inngå avtale om automatisk mottak av elektroniske rekningar. Etter at denne avtalen er oppretta vil du automatisk få alle rekningar som eFaktura frå dei betalingsmottakarane som tilbyr eFaktura. Du slepp såleis å inngå avtale med kvar enkelt mottakar.
• Dersom du ikkje ynskjer å motta eFakturaer automatisk, kan du opprette avtale med ein og ein betalingsmottakar manuelt. Dette gjer du også under menyvalet «Opprette AvtaleGiro / eFaktura» i hovudmenyen. Avtale kan opprettast ut frå forslag som er danna på bakgrunn av tidlegare rekningar du har betalt, eller du kan søkje etter betalingsmottakar. I det siste tilfellet vil du måtte legge inn eFaktura-referansen som du mellom anna finn på papirfakturaen frå mottakaren.

Kombiner eFaktura med AvtaleGiro

eFaktura kan også kombinerast med AvtaleGiro. Du får då fakturagrunnlaget elektronisk i nettbanken din, medan sjølve betalinga vert utført automatisk på forfallsdato som ein AvtaleGiro.

AvtaleGiro er ei betalingsteneste meint for faste eller regelmessige rekningar. Du inngår avtale med banken om at rekningane vert trekt automatisk frå kontoen din på forfallsdato.

Slik opprettar du AvtaleGiro

• Betal rekninga på vanleg måte i nettbanken. Når du har stadfesta betalinga, vil du få opp tilbod om å oprette AvtaleGiro dersom mottakaren tilbyr dette.
• Dersom du vel å ikkje opprette AvtaleGiro når du betalar rekninga, kan du når som helst gå inn på «Forslag til betalingsavtalar» i nettbanken og opprette avtalen der.
• Du kan også søke etter mottakaren i nettbanken, og opprette avtalen manuelt. Du vil då måtte legge inn KID-nummeret som du finn på papirfakturaen frå mottakaren.
• Nokre betalingsmottakarar har også lagt til rette for å opprette AvtaleGiro direkte frå sine eigne nettsider. For å opprette AvtaleGiro på denne måten må du ha BankID.
• Ta med deg rekninga i banken, så opprettar me avtalen for deg.

Det kan ta ei stund før avtalen er aktiv, og eventuelle rekningar du mottek i posten i mellomtida må betalast som normalt.

Kombiner AvtaleGiro med eFaktura

AvtaleGiro kan også kombinerast med eFaktura. Du får då fakturagrunnlaget elektronisk i nettbanken din, medan sjølve betalinga vert utført automatisk på forfallsdato som ein AvtaleGiro.

BankAxess er ei nettbasert betalingsteneste som gjer at du kan betale for varer og tenester i norske nettbutikkar ved å belaste bankkontoen din. Betaling skjer direkte frå din konto til nettbutikken sin konto – utan bruk av kort. Du godkjenner betalinga med BankID.

Sidan betaling med BankAxess ikkje krev bruk av kort, treng du heller ikkje å gje frå deg kortinformasjon til nettbutikken. BankAxess er såleis eit godt supplement til internasjonale betalingskort som til dømes VISA og MasterCard.

Slik tek du i bruk BankAxess

Avtale om BankAxess opprettar du sjølv i nettbanken din under menyvalet «BankID og BankAxess». For å kunne bruke BankAxess må du også ha BankID i Voss Sparebank. Dersom du ikkje har BankID frå før, kan du først bestille BankID – og deretter inngå avtale om BankAxess.

Utanlandsbetaling kan du sjølv utføre i nettbanken din. Dette den enklaste og billigaste måten å betale til utlandet på. Ved betaling til og frå utlandet må det registrerast litt meir informasjon om betalinga enn ved ei vanleg innanlandsbetaling. Nedanfor ser du kva opplysningar du treng for å gjennomføre betalingar til og frå utlandet.

Betale til utlandet

For å kunne betale til utlandet, må du mellom anna registrere fylgjande opplysningar:

• Mottakar sitt kontonummer eller IBAN-kontonummer. IBAN må nyttast ved betaling til EU og EØS-land!
• Mottakar sitt namn og adresse
• Mottakar sin bankforbindelse – namn, adresse, og BIC / SWIFT-adresse. Ved overføring til USA må i tillegg mottakarbanken sin bankkode, FW, ABA eller RoutingNumber (9 siffer) registrerast.
• Valutasort og beløp
• Eventuelle betalingsdetaljar

Det er viktig at rett informasjon vert registrert. Dersom IBAN og BIC / SWIFT ikkje er korrekt, kan mottakarbanken returnere betalinga. Dette vil medføre forseinkingar og ekstra kostnader.

Motta betaling frå utlandet

Dersom du skal motta betaling frå utlandet, treng avsendar fylgjande opplysningar:

• Ditt namn og adresse
• Ditt IBAN-kontonummer. Bruk IBAN-kalkulatoren til å generere dette.
• BIC / SWIFT-adresse: DNBANOKKXXX

Kort

I dag er kort det enklaste og mest vanlege betalingsmidlet når du er ute og reiser.
Hjå oss kan få kort som er tilpassa din bruk og ditt behov.

Valuta i MiniBank

I nokre av banken sine minibankar kan du også ta ut valuta.
I oversikta over banken sine automatar ser du kva minibankar dette gjeld.

Kontantar

Hjå oss kan du veksle kontantar i fylgjande valuta:

AUD, CAD, CHF, DKK, EUR, GBP, JPY, SEK, THB, USD.