Eldsjelprisen

Voss Sparebank stifta Eldsjelprisen for Voss i 2008. Prisen skal tildelast eit prosjekt, eit lag, ein organisasjon eller ein enkeltperson som gjer ein nyttig innsats for utvikling av lokalsamfunnet eller næringslivet i kommunen.

Prisen skal tildelast for ueigennyttig innsats og gjerne for eit bestemt prosjekt. Personar som gjennom ein lengre periode har stått på for eit lag eller organisasjon, er gode kandidatar til å motta prisen som Årets eldsjel.

Eldsjelprisen skal vera ein inspirasjon for aktive vossingar slik at dei kan arbeida vidare og vera til inspirasjon for andre. Ei takk og anerkjenning til personar, lag eller organisasjonar som har gjort ein flott innsats.

Prisen for Årets eldsjel er på inntil 50.000,- kroner, som vert delt likt mellom prisvinnaren og laget/organisasjonen vinnaren representerer. I tillegg får vinnaren eit synleg bevis på prisen i form av eit kunstnarisk verk eller diplom.

Bygdefolket, lag, organisasjonar og verksemder i Voss herad, inkludert Voss Sparebank, kan fremja forslag til kandidatar. Det er ikkje høve til å søkja om å få prisen. Juryen skal setjast saman av 3 – 5 representantar innanfor kvar kategori med god kjennskap til dei ulike områda. Voss Sparebank skal ha ein representant i juryen, i tillegg til ein sekretær.

Send inn forslag til kandidat

Du kan senda inn ditt forslag til mottakar av Årets eldsjel ved å nytta skjemaet nedanfor. Kandidaten kan vera eit prosjekt, eit lag, ein organisasjon eller ein enkeltperson.

Mottakarar av Eldsjelprisen

2023	Bytebua og Voss Skyttarlag
2022	Voss Aktivitetspark
2021	Valborg Nummedal
2020	Hermann Skjeldal
2018	Hedvig Røhnebæk
2017	Tore Tvilde
2016	Peder Ringdal
2015	Bjørn Grande
2014	Trond Håvard Bjørnstad
2013	Tore Nyborg
2012	Bjørne Møen
2011	Laila Rynning Veum og Per Ove Himle
2010	Magne Sørestrand
2009	Brynjulf Styve
2008	Nils Inge Haaland