Ledig stilling

Rådgjevar for privatkundar
100 % fast stilling

Brenn du for personleg økonomi og gode kundeopplevingar? Kommuniserer du godt med andre menneske? No har du ein fin sjanse til å få jobb i Voss Sparebank som rådgjevar for privatkundar innan kreditt, forsikring og sparing.

Sentrale arbeidsoppgåver

• Vera ein økonomisk sparringspartnar for kundane ved å gje råd om sparing, forsikring, pensjon og personleg økonomi.
• Arbeida proaktivt for å få inn nye låne- og forsikringskundar.
• Fylgja opp eige kundeportefølje på telefon, e-post, video og i fysiske møter.
• Kredittvurdera kundane og gje lån innanfor definerte fullmakter og regelverk.

Kvalifikasjonar

• Du har eit brennande engasjement for personleg økonomi og kunderelasjonar.
• Du har arbeidsrøynsle og utdanning som er fagleg relevant.
• Det er eit pluss om du har autorisasjonar frå FinAut. Om du ikkje har det, må du vera motivert for å gjennomføra autorisasjonsløpet for kreditt, skadeforsikring, livsforsikring og sparing/plassering.

Personlege eigenskapar me legg vekt på

• Du er truverdig, kompetent og skapar tillit hjå kundane.
• Du smiler når du kjem på jobb om morgonen, har godt humør og er ein god kollega.
• Du er oppteken av nøyaktig og godt arbeid, utan at det går ut over effektiviteten.
• Du ynskjer å skapa resultat og godt omdøme for banken.

Me tilbyr

• Eit godt arbeidsmiljø og ein solid og trygg arbeidsplass i ljose og moderne lokale på Vangen.
• Gode låne-, pensjons- og forsikringsordningar.
• Bedriftsidrettslag og treningsrom i banken.

Voss Sparebank og samfunnsengasjement

Me er opptekne av at Voss og områda rundt skal vera ein bra plass å bu. Banken bidreg til dette med gåver og sponsing i lokalsamfunnet. Som tilsett i banken forventar me at også du deler vårt engasjement for lokalsamfunnet og banken.