Ny utsjånad

Nettbanken og mobilbanken får ny utsjånad komande veke.

Snart vil du merka at utsjånaden både i nettbanken og mobilbanken endrar seg litt. Du vil framleis finna dei same funksjonane som før, men i ei ny drakt.

Me ynskjer at nett- og mobilbanken skal vera enkel å bruka for alle kundar. Denne oppdateringa gjer løysingane meir oversiktleg, enklare å bruka og lettare å lesa, anten du brukar mobil, nettbrett eller PC.

I nettbanken skjer endringane tysdag 8. september, medan mobilbanken får oppdatert utsjånad torsdag 10. september.

Nettbedrift og Mobilbank Bedrift får tilsvarande endringar i utsjånaden samstundes som Nettbank og Mobilbank.

Kva er nytt i nettbanken?

Ny innloggingsside

Når du loggar inn i nettbanken, vil du møta ei ny og oppdatert innloggingsside. Du loggar inn på same måte som før.

Ny oversiktsside

Oversiktssida, som er startsida du kjem inn på etter innlogging, får eit ryddigare uttrykk og tydelegare informasjon, slik at det vert enklare å få oversikt over kontoane dine og annan informasjon knytt til økonomien din.

Oppdatert meny

Menyen får også ny utsjånad, og er organisert slik du enkelt skal finna fram til funksjonane du brukar.

Kva er nytt i mobilbanken?

Også mobilbanken får ny utsjånad, mykje likt som i nettbanken, men tilpassa visning på mobiltelefonen.

• Ny innloggingsside
• Ny og meir oversiktleg startside
• Oppdatert meny

Du loggar inn i mobilbanken på same måte som før.

Den nye utsjånaden i mobilbanken får du ved å lasta ned eller oppdatera til den nyaste app-versjonen som vert gjort tilgjengeleg torsdag 10. september.

Me vil også minna om at det generelt er viktig å halda mobiltelefonen og appane oppdatert til ei kvar tid.