Ledig stilling

Drøymer du om ein jobb innan bank og forsikring på Voss? No har du ein sjeldan sjanse. Me ser etter ein rådgjevar for bedriftsmarknaden som brenn for å hjelpa kundane våre med kreditt, forsikring og pensjon.

Rolla di vert å møta kundane, avdekka kva kreditt- og forsikringsbehov dei har, finna skreddarsydde løysingar for den enkelte, og driva med kontinuerleg oppfylging. For den rette kandidaten kan stillinga utvidast til å ha rolla som forsikringsansvarleg i Voss Sparebank.

Arbeidsoppgåver

• Ansvar for eigen kundeportefølje og utvikling av denne gjennom kundekontakt i både digitale og fysiske møter.
• Utarbeida gode analysar for bruk i kredittprosessen, for å sikra god risikostyring.
• Tilby gode løysingar som gjev meirverdi for kunden og soleis skapar og utviklar sterke relasjonar.
• Utarbeiding av tilbod og løysingsforslag innan kreditt, forsikring, pensjon, betalingsformidling og leasing.
• Strukturert oppfylging og rådgjeving til eksisterande kundeportefølje, òg oppsøkjande og aktivt arbeid mot nye kundar.

Kvalifikasjonar

• Du har arbeidsrøynsle frå bank, forsikring eller annan finansinstitusjon.
• Du har høgare utdanning innan økonomi.
• Du har god munnleg og skriftleg framstillingsevne, og skriv nynorsk.
• Du trivast godt når du får snakka med kundar og gje gode råd.
• Det er ein fordel om du har røynsle frå forsikring for bedriftsmarknaden.
• Det er eit pluss om du har autorisasjonar frå FinAut. Om du ikkje har det, må du vera motivert for å gjennomføra autorisasjon i kreditt, livsforsikring og skadeforsikring.

Personlege eigenskapar me legg vekt på

• Du er prestasjonsorientert og ynskjer å skapa verdi for kunden og resultat for banken.
• Du er god til å skapa tillit hjå kunden.
• Du lærer fort og tek i bruk nye prosessar og digitale løysingar.
• Du har godt humør og er ein god kollega.
• Du er strukturert, ryddig og sjølvstendig.
• Du samarbeider godt med andre.

Me tilbyr

• Ein solid og trygg arbeidsplass med godt arbeidsmiljø.
• Kontor i ljose og moderne lokale i Voss sentrum.
• Gode låne-, pensjons- og forsikringsordningar.
• Bedriftsidrettslag og treningsrom i banken.

Spørsmål

Har du spørsmål om stillinga, kontakt:

• Kredittsjef og leiar bedriftsmarknad, Kurt Arild Midttun: 479 30 327 / [email protected]
• Adm. banksjef, Jørund Rong: 479 30 335 / [email protected]

Frist

Søknadsfrist: 28.02.2021

Søknad med CV kan sendast til Voss Sparebank på e-post [email protected].

Om banken

Voss Sparebank vart skipa i 1843 og er Voss sin eigen lokale sparebank. Me tilbyr tenester til privat- og bedriftsmarknaden. Banken er ein tradisjonell men moderne sparebank og har 26 fast tilsette, og ein rådveldekapital på 5,12 milliardar kroner.