Gåver og sponsing

Voss Sparebank sponsar fleire lag og organisasjonar rundt om i vossabygda. Felles for dei er at dei er med på å skapa eit rikt og godt aktivitetsliv i bygda. Banken har som mål å sponse aktivitet som er open for alle og som skapar god aktivitet, med hovudvekt på born og ungdom. Banken sponsar og arrangement på enkelt eller årvise avtalar.

Voss Sparebank deler kvart år ut gåver til ålmennyttige føremål. Gjennom sponsoravtalar, gåver og anna stønad bidreg banken årleg med omkring 4 mill til lokalsamfunnet. Dette er betydlege midlar for å oppretthalde det gode aktvitetsnivået i bygda.

Pengane går i stor grad til idrett, kultur og organisasjonsliv, men litt går òg til andre samfunnsnyttige tiltak. Banken har sidan 1853 gjeve gåver til ålmennyttige føremål. Det er såleis store summar banken fører attende til lokalsamfunnet. Banken kjenner på at dette er like aktuelt no som det var for 177 år sidan. God bankdrift og kundar som stør opp om banken er grunnlaget for ålmennyttige gåver.

Søknadsperioden er i januar kvart år og blir annonsert på heimesider og i avisa Hordaland. Utdeling skjer på våren.