Nett og mobil

Med Nettbank får du tilgang til ei rekkje tenester uavhengig av banken sine opningstider. I tillegg til vanlege banktenester som kontoinformasjon og rekningsbetaling, får du gjennom nettbanken også tilgang til ulike korttenester, forsikring, fond og aksjehandel.

For å få Nettbank må du kontakte banken. Du vil då få tildelt brukarnamn og passord, og kodebrikke vil verte sendt til deg i posten. Når dette er på plass er du klar til å bruke nettbanken.

• Betale til innland / utland
• Overføre mellom eigne konti
• Sjekke saldo
• Endre regionsperre
• Opprette AvtaleGiro og eFaktura
• Sjå kontoutskrifter

Gjennom nettbanken får du tilgang til dine forsikringar, og til askje- og fondstenester. Det er også i nettbanken du bestiller og administrerer BankID, BankID på mobil, BankAxess og MobilBank.

I nettbanken kan du også utføre utanlandsbetalingar. Dette den enklaste og billigaste måten å betale til utlandet på. Ved betaling til og frå utlandet må det registrerast litt meir informasjon om betalinga enn ved ei innanlandsbetaling.

Banken tilbyr eigen Nettbank til deg mellom 13 og 18 år. Nettbanken for ungdom er i utgangspunktet den same nettbanken du får når du er 18 år, men alderen din avgjer kva funksjonar du får tilgang til.

Frå du er 13 år og fram til du fyller 15 år kan du mellom anna fylgje med på kva som går inn og ut av kontoen din. Når du fyller 15 år, vert tilgangane automatisk utvida, og du kan til dømes utføre betalingar frå kontoen din. Frå fylte 18 år har du automatisk tilgang til alle funksjonane i nettbanken.

Dersom du er under 15 år, må du ha samtykke frå føresette for å få ungdomsnettbank.

SMS-varsling er ei teneste i nettbanken som gjer at du kan få varsel til mobiltelefonen din når bestemte hendingar skjer på kontoen din. Du finn eit eige menyval for denne tenesta i nettbanken, og du definerer sjølv kva hendingar og konti du vil ha varsel om.

Mobilbank gir deg enkel tilgang til dei vanlegste nettbanktjenestene. Om du er på hytta, på ferie eller heime i sofaen – du har alltid tilgang til banken – der du er. Tenestene i mobilbanken er i stor grad dei samme som i nettbanken, og vil difor vere ei fullgod løysing til å utføre dei vanlegaste oppgåvene dine.

For å kunne ta i bruk mobilbanken, må du på førehand ha nettbankavtale hjå oss. I tillegg må mobiltelefonnummeret ditt vere registrert i kunderegisteret vårt.

Før du kan logge inn i mobilbanken, må du aktivere appen ved å identifisere deg. Etter å ha identifisert deg, får du tilsendt ein aktiveringskode på SMS som du tastar inn i registreringsprosessen.

Aktivering er noko du gjer første gongen du startar appen etter installasjon. Deretter kan du enkelt logge inn med den 4-sifra koden du valde, eller med fingeravtrykk viss telefonen din støttar dette.

• Last ned Mobilbank-appen vår frå App Store eller Google Play
• Identifiser deg med BankID, BankID på mobil eller nettbankpassord og kodebrikke
• Tast inn aktiveringskode som du mottek på SMS
• Vel ein 4-sifra kode
• Aktiver fingeravtrykk viss telefonen din støttar dette

• Betale
• Overføre
• Godkjenne eFaktura
• Forfallsoversikt
• Siste transaksjonar
• Kortoversikt
• Hente PIN-kode
• Regionsperre

Ved å aktivere den innebygde widget-en som fylgjer med Mobilbank-appen vår, kan du kjapt og enkelt sjekke saldoen på primærkontoen din utan å måtte logge inn i mobilbanken. Widget er tilgjengeleg for både iOS- og Android-telefonar. Du aktiverer widget-en i widget-menyen på telefonen din.

Ved å bruke 3D Touch på nyare iOS-telefonar (iPhone), får du tilgang til to nyttige funksjonar – Saldosjekk og Snarvegar til ofte nytta funksjonar.

Med Saldosjekk kan du enkelt sjekke disponibelt beløp på primærkontoen din ved å bruke 3D Touch på app-ikonet på telefonen. Funksjonen hentar automatisk disponibelt beløp på primærkontoen, og du treng såleis ikkje taste inn personleg kode eller bruke fingeravtrykk for å sjekke saldo.

Med Snarvegar får du enkel tilgang til funksjonane overføring, betaling, forfall og siste transaksjonar. Snarvegane visar når du brukar 3D Touch på app-ikonet på telefonen. Når du klikkar på ein av snarvegane må du logge inn i mobilbanken med personleg kode eller fingeravtrykk. Etter at innlogging er gjennomført kjem du rett til den funksjonen du valde.

BankID er ein personleg elektronisk legitimasjon for sikker identifisering og signering på internett. BankID kan nyttast på tvers av bankar i Noreg – i tillegg til ei rekkje andre nettstader.

Dette er BankID

Bruk av BankID kan delast inn i to hovudgrupper – identifisering og signering.

Når du loggar deg inn på ein nettstad med BankID – for eksempel nettbanken – brukar du BankID til å identifisere deg overfor denne nettstaden. BankID fortel nettstaden at du er den du gir deg ut for å vere. Med BankID kan du logge deg inn på alle nettstader som tilbyr denne innloggingsmetoden.

BankID kan også nyttast til å signere transaksjonar, dokument og avtalar elektronisk. Ein elektronisk signatur med BankID er like bindande som ein handskriven signatur på papir. Fordelen med å signere med BankID, er at du slepp å måtte sende dokumenta i posten eller møte opp personleg for å signere.

BankID bestiller du sjølv i nettbanken din:

• Logg inn i nettbanken med kodebrikka du har fått frå banken.
• Vel «BankID og BankID på mobil» i menyen.
• Du vert leia gjennom ein enkel bestillingsprosess.
• Passord for BankID får du på e-post.
• Din BankID vil vere aktivert og klar til bruk etter kort tid.

Når du identifiserer deg (loggar inn) med BankID på ein nettstad, vil skjermdialogen du møter sjå lik ut uavhengig av kva nettstad du er på. Innlogging med BankID består av tre trinn:

1. Du tastar inn fødsels- og personnummeret ditt.
2. Du tastar inn sikkerheitskode frå kodebrikka di.
3. Du tastar inn det personlege BankID-passordet ditt.

Når du brukar BankID til signering, ser skjermdialogen litt annleis ut enn for identifisering. Du får mellom anna presentert dokumentet, avtalen eller transaksjonen du skal signere slik at du kan lese og godkjenne innhaldet før du sigenrer. Sjølve signeringa gjer ein på same måte som ved identifisering:

1. Du tastar inn fødsels- og personnummeret ditt.
2. Du tastar inn sikkerheitskode frå kodebrikka di.
3. Du tastar inn det personlege BankID-passordet ditt.

Med BankID App har du med deg kodebrikka di digitalt på mobilen, og du treng ikkje til dagleg den fysiske kodebrikka for å logge inn eller signere avtalar med BankID. Du godkjenner enkelt innlogging og/eller signering i appen. Du må ha ein aktiv BankID eller BankID på mobil for å aktivere appen.

1. Last ned appen frå AppStore eller Google Play.
2. Identifiser deg med BankID på mobil eller BankID med fysisk kodebrikke.
3. Bruk BankID App når du loggar inn med BankID.

Fyrste gong etter aktivering må du velje appen som metode. Du kan alltid endre dette seinare under valet «Velg annen BankID» viss du i staden vil bruke BankID på mobil eller fysisk kodebrikke.

Det er viktig at du framleis tek vare på den eksisterande kodebrikka di. Du kan få bruk for for kodebrikka viss du til dømes må aktivere BankID App på nytt på telefonen din, eller aktivere den på ein ny telefon. Det pågår arbeid med å forenkle BankID, kodebrikker og passord, slik at du framtida ikkje treng kodebrikke.

Med BankID på mobil kan du logge inn i nettbanken og mobilbanken utan å måtte bruke kodebrikke. Du kan også bruke BankID på mobil til å logge inn på ei rekkje andre nettstader.

BankID på mobil har same bruksområde som «vanleg» BankID, og kan såleis nyttast som personleg elektronisk legitimasjon for sikker identifisering og signering på internett. Skilnaden er at sjølve BankID-sertifikatet er lagra i SIM-kortet i mobiltlefonen, noko som gjer at ein slepp å bruke kodebrikke.

BankID på mobil aktiverer du sjølv i nettbanken din. For å kunne aktivere BankID på mobil, må SIM-kortet ditt vere klargjort for dette. Før du går inn nettbanken, kan det vere lurt å teste SIM-kortet og mobiltelefonen din. Klikk på knappen nedanfor for å gjere denne testen.

Dersom testen var vellukka, kan du aktivere BankID på mobil i nettbanken din:

• Logg inn i nettbanken – anten med brukarnamn og passord eller BankID.
• Vel «BankID og BankID på mobil» i menyen.
• Aktiveringsprosessen vil føregå både i nettbanken og på mobiltelefonen din.
• Du legg sjølv inn PIN-kode (ID-PIN) du ynkjer å bruke for BankID på mobil.
• Aktiveringa er gjort på få minutt, og du får SMS når BankID på mobil er klar til bruk.

Når du identifiserer deg (loggar inn) med BankID på mobil på ein nettstad, vil skjermdialogen du møter sjå lik ut uavhengig av kva nettstad du er på:

1. Tast inn mobilnummeret og fødselsdatoen din på nettstaden.
2. Du vil få opp ein referanse både på mobilen og PC-en din.
3. Kontroller at referansen på mobilen og PC-en er identiske.
4. Dersom referansen stemmer, stadfestar du med din ID-PIN.

Når du brukar BankID på mobil til signering, vil du i staden for ein referanse få opp ei melding på mobilen din med detaljar om det du skal signere – for eksempel beløp og kontonummer når du signerer ei betaling i nettbanken:

1. Tast inn mobilnummeret og fødselsdatoen din på nettstaden.
2. Du får opp ei melding på mobilen med detaljar om det du skal signere.
3. Kontroller at innhaldet i meldinga stemmer.
4. Dersom opplysningane stemmer, stadfestar du med din ID-PIN.

Du kan få BankID og BankID på mobil frå du er 13 år. Mange tenester legg i dag opp til at me identifiserer oss og signerer digitalt. Dette vert også meir og meir aktuelt for deg som er under 18 år.

For å få BankID som mindreårig treng me underskrift av verje, og pass som legitimasjon. Når avtalen om BankID er signert og i orden, vert bestilling via nettbanken tilgjengeleg, og du tingar BankID og/eller BankID på mobil som beskrive ovanfor.

Ta kontakt med banken dersom du ynskjer å opprette BankID for mindreårige.

Med Vipps kan du:

• Sende pengar
• Be om pengar
• Gjere opp / dele rekning
• Betale faktura
• Byte mellom fleire kort når du handlar

I tillegg kan du betale med Vipps i appar, nettbutikkar og snart også i kassa i butikken.

Lyst til å prøve? Last ned appen då vel! Vipps funkar uansett kva bank du har.

Det er enkelt å kome i gang med Vipps:

1. Last ned appen
2. Legg inn kort og kontonummer
3. Send eller ta i mot pengar

Søk opp kven du vil betale til i kontaktlista di. Legg inn beløpet og trykk på «Send penger». Vipps, så er pengane på veg. Er det noko du lurer på, kan du finne svar på det under spørsmål.

Vipps Regninger er ei teneste frå Vipps der bedrifter kan sende fakturaer til deg gjennom Vipps. Du kan også få opp Vipps Regninger i mobilbanken og nettbanken din. På denne måten kan du enkelt vise fakturaen, og godkjenne / betale den i mobilbanken eller nettbanken.

Slik kjem du i gang med Vipps Regninger:

1. Aktiver Vipps Regninger i Vipps-appen
2. Inngå avtale om mottak av elektroniske rekningar i nettbanken