Aksjar og fond

Voss Sparebank er tilknytt agent til Norne Securities, og kan gjennom dette agentforholdet tilby mottak og formidling av ordre på vegne av kunde i samband med eitt eller fleire finansielle instrument.

Norne Securities er eit fullservice verdipapirføretak som tilbyr internetthandel, tradisjonelle meklartenester og corporate finance-tenester. Norne Securities er underlagt konsesjon av Finanstilsynet til å tilby fylgjande investeringstenester:

1. Mottak og formidling av ordre på vegne av kunde i samband med eitt eller fleire finansielle instrument som definert i vphl §2-2.
2. Utføring av ordre på vegne av kunde
3. Omsetjing av finansielle instrument for eiga rekning
4. Investeringsrådgjeving som definert i vphl §2-4 første ledd
5. Plassering av offentlege tilbod som nemnt i vphl kapittel 7, plassering av emisjonar, og garantistillelse for fullteikning av emisjonar eller tilbod om kjøp av finansielle instrument.

Gjennom agentforholdet banken har med Norne Securities kan me tilby deg som kunde tilgang til handelsløysing for verdipapir gjennom nettbanken vår. For å få tilgang til handelsløysinga må du ha nettbank hjå oss. Viss du ikkje har nettbank frå før, tek du kontakt med oss og me hjelper deg i gang.

Det er enkelt å bli kunde i Norne Securities si handelsløysing:

• Logg deg inn i nettbanken på vanleg måte
• Vel Aksjehandel i menyen
• Følg rettleiinga for å registrere deg som kunde
• Når kundeforholdet er oppretta vil du motta e-post frå Norne Securities

Registrer deg som kunde i dag, og du slepp å betale minimumskurtasje på kr. 95,- i 3 månadar. Etter dei tre fyrste månadane betalar du ordinær kurtasje på 0,05% – minimun kr 95,- pr.handel.

• Handel i aksjar, ETF’ar, eigenkapitalbevis, teikningsrettar, warrants og finansielle sertifikat på Oslo Børs og Oslo Axess.
• Handel i unoterte aksjar på OTC-lista i Noreg.
• Integrerte kjøps- og salsanbefalingar, analyser og marknadsrapportar.
• Realtidskursar og porteføljeoversikt.
• Nyhende frå Oslo Børs, Hugin m.v.
• Låg kurtasje – frå 0,05% – minimum kr 95,-. Voss Sparebank mottek ein del av kurtasjen for handel utført av kundar som banken har formidla og vist til Norne Securities.

Mange har eit ynskje om å realisere draumar om eigen bustad, hytte, båt, bil eller ferieturar. Etter den nye pensjonsreforma er det også viktigare enn nokon gong å spare til eigen pensjon. Denne sparinga kan du gjere på sparekonto eller i fond.

Det er gode grunnar til å starte ein spareavtale i bank eller i fond. Ein spareavtale gjer at sparemålet kjem raskare innan rekkevidde. Sparar du eit fast beløp i månaden merkar du ofte ikkje at du sparar, men du vil merke at du har spart.

Den delen av sparinga som skal vere langsiktig kan plasserast i fond. Sparing i fond er eit godt alternativ når du ynskjer betre avkastning på sparepengane dine, men avkastninga vil svinge over tid.

Voss Sparebank står fritt til å velje fondsleverandørar, og har inngått samarbeidsavtale med HolbergFondene og DNB Asset Management.

Snakk med oss om fondssparing!

Under menyvalet Fondshandel i nettbanken får du god oversikt over dine fond. Du kan kjøpe, innløyse eller reinvestere fondsandeler. Du kan også opprette, endre eller avslutte spareavtalar.